Пандемия. Туберкулёз бейтаптарына дагы 6 миллион киши кошулушу мүмкүн (видео)
Коронавирус пандемиясынын фонунда адамзатка туберкулёз сыяктуу оорунун активдүү жайылышы коркунуч туудурушу ыктымал. «ТБны токтотобуз» эл аралык өнөктөштүгүнүн баалаганына караганда, 2025-жылы туберкулёз менен ооругандардын саны дагы 6 миллондон ашык көбөйүп кетиши мүмкүн. Бул туурасында 7-майда Euronews кабарлады.
Бул биринчи кезекте карантин режими жана медициналык кызмат көрсөтүүнүн чектелгендигине байланышкан, -деп түшүндүрдү «ТБны токтотобуз» өнөктөштүгүнүн жетекчиси Лусика Дитиу: «Үй шартында изолияция болуу учурунда адамдарда медициналык борборлорго барганга мүмкүнчүлүк да каражат да жок. Алар диагностикадан өтүп, дарыланууга кайрылуучу жерлер өтө аз калды. Анын башкы себеби — туберкулёз менен алектенишкен биздин коллегаларыбыздын көбү – негизинен өпкө оорулары, же инфекциялык дарттар менен иштешкен адистер. Алар азыр өздөрүнүн медайымдары жана лаборанттары менен COVID-19га каршы алдыңкы катарда күрөшүп жатышат».
«ТБны токтотобуз» өнөктөштүгүнүн маалыматтары боюнча, эгер бул тенденция негативдүү өнүгүүгө дуушар болсо, анда 2025-жылга карата туберкулёздон каза тапкандардын саны бир жарым миллионго чейин өсүп жетиши мүмкүн. Эксперттер карантин аяктаар замат эле туберкулёзго каршы болгон күчтү активдештирүү керек деп жатышат.
Abal.kg
