Россия коронавируска каршы авифавир дарысы менен бейтаптарды бекер дарылай турган болду
1-июндан тартып ооруканаларга таратыла баштай турган коронавирус инфекциясына каршы Россиянын авифавир дарысы, ОМСтин алкагында бейтапарды дарылоого бекер бериле турган болду. Бул туурасында Россиянын түз инвестияциялар фондунун (РФПИ) жетекчиси Кирилл Дмитриев 5-июнда мамлекет башчысы Владимир Путин менен онлайн-жолугушуунун учурунда билдирди, деп ошол эле күнү «Известия» маалымдады.
«Дары 11-июнда Россиянын клиникаларына түшө баштайт жана бейтаптар ОМС прогаммасынын алкагында бекер дарыланышат. Биз бул дармек менен амблуаториялык негизде дарылоого да сыноо жүргүзүп жатабыз. Адегенде жылына 700 миң курс чыгарып турабыз», — деп айтты РФПИнин жетекчиси.
Кирилл Дмитриевдин айтуусуна караганда бул дармекке суроо-талап өтө жогору, 10 мамлекет алаарын билдирип кайрылган.
РФПИнин жетекчисинин сөзү боюнча болочокто, жылына 2 миллион курсту чыгара турган болушат.
Мындан тышкаары, фонд COVID-19ду аныктай турган 10 миллиондон ашык тест сатканын, анткени «бул эң мыкты тесттердин» бири экенин билдирди, анын жетекчиси.
Ошондой эле РФПИнин башчысы «Алиум» компаниясы, «Система» холдинги жана «Р-Фарм» менен биргелешип, коронавируска каршы эки вакцинаны чыгарууга инвестиция салаарын жарыялады.
1-июнда РФнын саламаттык сактоо министрлигинин фтизиопульмонология жана инфекциялык ооруларды изилдөөө Улуттук борборунун директорунун орунбасары Владимир Чуланов авифавирди сыноо учурунда анын эффективдүүлүгү 90%ке жакын болгонун жарыялаган.
Авифавир Россиянын саламаттык сактоо министрлигинин каттоосунанан өтүп, япондуктардын фавипиравир дармегинин негизинде COVID-19дан дарылоого расмий жактырылган дүйнөдөгү биринчи дары экенин 1-июнда «Известия» билдирген. Фавипиравир жеткиликтүү иликтенген, анткени Японияда 2014-жылдан бери грипптин оору формаларын дарылоого керектелип келе жатат.
5-июнга Россияда COVID-19дан бейтаптагандардын саны 449 834тү түзүп, 5528и каза таап, 212 680 киши сакайды.
Abal.kg
