Окумуштуулар коронавирусту 25 секундда жок кылуунун шартын айтышты
Атайын лампалардан (чырактардан) чыккан ультрафиолет нуру вирус SARS-CoV-2ни эффективдү жансыз кылат. Муну Бостон университетинин жугуштуу оорулардын Улуттук лабораториясынын (NIEDL), жарык берүү жаатындагы лидерлердин бири Signify компаниясы менен бирдиктө өткөргөн иликтөөлөрү бышыктады, деп жазды 26-июнда “Российская газета”.
Доктор Энтони Гриффитстин жетекчиилиги менен иликтөөчүлөрдүн тобу эксперимент өткөрүшкөн: алар вирус жуктурулган материалды Signify лампаларынан чыккан ультрафиолет нурларынынар кайсы дозасына какташкан жана вирустун канчалык тез жансыз болоорун текшеришкен.
5 мДж/см2 дозасында SARS-CoV-2 вирусунун жайылышы 6 секундда 99 процентке төмөндөгөн. 22 мДж/см2 дозасы менен кактаганда вирус 25 секунддун ичинде толук жок болгон.
