Түштүк Кореядагы учак кырсыкка кабылып, 179 адам каза болду

Түштүк Кореядагы авиакырсыктан 179 адам набыт болгонун Yonhap агенттиги улуттук өрткө каршы кызматына таянуу менен билдирди.

Алдын ала маалыматтар боюнча, эки гана адам — жүргүнчү жана экипаж мүчөсү аман калган. Бортто жалпы 181 адам болгон.

Бийликтер Jeju Air учагынын кыйрашынын эки негизги версиясын карап жатышат. Учакка канаттуулар урунуп, учкучтар башкарууну жоготкон деген божомол айтылып жатат. Yonhap агенттиги шассилердин иштен чыкканына канаттуулар себеп болгонун жазды.

Бийлик аба ырайын экинчи версия катары карап жатат.