Токио Олимпиадасындагы мелдештер бүгүн, 21-июлда, софтбол оюну менен ачылды. Бул тууралуу olympics.com/tokyo-2020 расмий сайты жазды.
Бүгүн Япониянын кыз-келиндер курама командасы аталган спорттон Австралияны 8:1 эсебинде утуп алды. Беттеш Фукусимо шаарында өттү.
Азыркы тапта Италия менен АКШ кыз-келиндер командасы софтбол боюнча таймашып жатышат. Маалыматка ылайык, бүгүн кыздар арасында футбол мелдеши старт алат. Олимпиаданын расмий ачылышы 23-июлда өтөт.
Кыргызстандан Токио-2020 Олимпиадасына жети спорттун түрүнөн 16 атлет катышат.
