Кыргызстанга америкалык ырчы Мадоннанын хореографы келди

Бишкек шаарынын мэри Эмилбек Абдыкадыров Fusion Concept Festival – заманбап бий боюнча дүйнөлүк чемпиондуктун тандоо турунун уюштуруучуларынын бири Жан Воинов жана чет элдик коноктор – иш-чаранын уюштуруучулары Канон Зузоа жана америкалык ырчы Мадоннанын хореографы Марвин Гофин менен жолугушту.

Шаардык мэриядан билдиришкендей, жолугушуунун жүрүшүндө уюштуруучулар ири иш-чараны өткөрүүгө көрсөткөн жардамы үчүн муниципалитетке ыраазычылык билдиришкен.

25-июнда “Дордой Плаза” соода жана оюн-зоок борборунда өтө турган тандоо туруна КМШ өлкөлөрүнөн келген бардык каалоочулар катышат.

Иш-чаранын жыйынтыгы менен Парижде өтүүчү Fusion Concept Festival фестивалында Кыргызстандын атынан чыга турган 2 күчтүү бийчи аныкталат.