Оштогу Ак-Буура дарыясынан эркек кишинин жансыз денеси табылды. Бул тууралуу Өзгөчө кырдаалдар министрлигинен билдиришти.
“Кечээ, 1-август күнү Ак-Буура дарыясына болжол менен 50-55 жаштагы кебетеси азиялык болгон эркек кишинин (аты-жөнү такталууда) сөөгү жаткандыгы тууралуу маалымат түшкөн. Жерине Ош шаардык Куткаруу кызматынан 4 куткаруучу тартылып, сөөгүн суудан чыгарышып ИИМдин кызматкерлерине өткөрүп беришкен”, – деп жазылган маалыматта.
