Ким акча сунуштаса, акчаны алып башка чапкыла! Садыр Жапаров шайлоодо добуш сатпоого чакырды

«Илгери бюллетендерди чыгарып алып КамАЗ менен аймактарга жеткирип, аны түнү менен милиция кайтарып, бир талапкердин добушун экинчи талапкерге кошуп санап ушундай болчу. Азыр баары автоматташтырылган. Азыр эч ким андай кыла албайт, мүмкүн эмес. Эми шайлоочулар өзүңөр оңолушуңар керек. Добушуңарды сатпашыңар керек. Ким акча сунуштап келсе, 1000 сомбу, 5000 сомбу, 10 миң сом берсе да аны алып туруп ошо акча менен башка чабышыңар керек. Силер добушуңар менен кошо 5 жылдык тагдырыңарды да сатып коюп жатасыңар. Мен добуш сатып алып аткандарды жалгыз жеңе албайм, силер жеңип, жардам беришиңер керек«, — деген Жапаров Жаңы-Барак айылынын ачылышында.