Президент Бишкекте УКМКнын Башкы башкармалыгынын жаңы имаратын ачты

Бишкекте 6-октябрда Улуттук коопсуздук мамлекеттик комитетинин  шаардык башкармалыгынын жаңы имаратынын салтанаттуу түрдө ачылышы болуп өттү.

Иш-чарага президент Садыр Жапаров өзү катышып, УКМКнын аймактык бөлүмдөрү заманбап шарттар менен камсыз болуп жатканын белгиледи. Өлкө башчысынын айтымында, коопсуздукту камсыздоодо атайын кызматтардын жоопкерчилиги чоң, жана алардын ишине тийиштүү шарттар түзүлүшү зарыл. Президент символикалык боону чечип, жаңы имараттын иши менен таанышып чыкты. Салтанаттын соңунда ал башкармалыктын аймагына бак отургузду. Имараттын ачылышына УКМК төрагасы Камчыбек Ташиев да катышты.