Манас шаарындагы курулушта эки жумушчу каза болду

Манас шаарындагы «Алинур-3» турак жай комплексинин курулушунда имараттын фасадын жасалгалоо иштерин жүргүзүп жаткан учурда курулуш люлькасынын тросу үзүлүп кеткен.

Кырсык 8-сентябрда саат 14:17 чамасында Малашов көчөсү, 15б дарегиндеги курулушта болгон. Натыйжада 11-кабаттан кулап түшкөн 2003-жылы туулган М.М. жана 2004-жылы туулган Т.М. алган жаракаттарынан улам окуя болгон жерде каза болушкан.

Бул факт Манас ОИИБдин маалыматтарды каттоо электрондук журналына катталып, окуя боюнча тергөөгө чейинки текшерүү башталды.