Орус жигит «бөлүнбөгүлө» деп, кыргыздарга кыргызча насаат айтты (видео)

Фейсбук баракчасында кыргызстандык орус жигит Владисавдын кыргыз элине кайрылуусу жарыяланды.

«Ассалому алейкум менин кыргыз элим. Менин атым Владислав. Мен өзүмдүн кыргыз жеримде төрөлгөнүмө абдан сыймыктанамын. Мен кыргыз тилинде эркин сүйлөймүн. Бирок кыргыз досторумдун башка тилде сүйлөп, өз тилин унутуп калганына, түндүк-түштүк бөлүнгөнүнө, уруу, айылдаш деп жерди жана элди бөлүп-жарганына абдан өкүнөм! Башка улуттагы өз жердештерин өзүнөн төмөн көргөн досторумдан таң каламын.

Урматтуу мекендештерим, кыргыз жерибизди биз баарыбыз бирдей жакшы көрөбүз! Манас бабам айткандай «Бир жакадан баш, бир жеңден кол чыгаралы!» Ушул илдетти бирге жеңебиз! Күч бирдикте! Кыргызстан алга!»

Abal.kg