Россиянын атактуу Большой театрында кишинин өлүгү табылды

Москвадагы Большой театрдын көркөм-өндүрүштүк мастерскоюнда кырсык болду – бычак жеп каза тапкан эркектин өлүгү табылды, деп жазат РЕН ТВ 17-апрелде.

Өндүрүш комплекстеринин биринде эки техникалык адис дежур болушкан. Экөөнүн ортосунда азырынча белгисиз бир себептер менен чыр-чатак чыккан. Ошондо экөөнүн бирөө бычагын алып чыгып экинчисин бир нече жолу сайып-сайып салган.

Натыйжада жабырлануучу ошол жерде эле көз жумган. Кылмышка шектелген адам азыр камакта, болгон окуя тууралуу көрсөтмө берип жатат.

Abal.kg