Бишкекте уурулук кылганга шектелген аял кармалып, 1 айга СИЗО-1ге киргизилди. Ленин РИИБинин басма сөз кызматынан кабарлашкандай, окуя 29-январда болгон.
Аталган райондук милиция бөлүмүнө Б.Н. аттуу аял арыз менен кайрылган. Арыз ээси 29-январда түнкү саат 02:30 чамасында чала таанышы анын үйүндө болгонун айткан. Жабырлануучу башка бөлмөгө кирип кеткенде чала таанышы 65 миң сом өлчөмүндөгү акчаны жана 4 миң сомдук күрмөнү уурдап кеткен.
“Бул факты Кылмыштардын жана жоруктардын бирдиктүү реестрине 200-берене “уурулук” менен катталып, сотко чейинки тергөөгө алынган.
Издөө иштеринин жүрүшүндө шектүү делинип 1972-жылы туулган Ж.З. аттуу аял кармалды. Ленин райондук соту тарабынан шектүүнүн баш коргоо чарасы каралып, 1 айга СИЗО-1ге камакка алынды. Учурда шектүүнүн дагы башка кылмыш иштерине катыштыгы бар же жок экендигин аныктоо иштери жүргүзүлүүдө”, – дешти мекемеден.
