28-декабрга карата аба ырайы

28-декабрга караган түнү тоолуу райондордо кар жаайт, дыйканчылык аймактарда жаан-чачын күтүлбөйт. Күндүз күн ачык болот. Бул тууралуу Кыргызгидромет билдирди.

Жолдор тоңголок, тайгак болуп, батыштан соккон шамалдын ылдамдыгы секундасына 4-9 метрге жетет.

Абанын температурасы Чүй жана Талас өрөөндөрүндө 0…+5, Ош, Жалал-Абад жана Баткен облустарында +1…+6, Ысык-Көлдө -4…+1, Нарын аймагында -5…-10 градус суук болот.

Борбор калаада күндүн табы +2…+4, Ош шаарында +3…+5 градус жылыйт.

Тоолуу райондордо түнкүсүн -10…-15, күндүз -6…-11, бийик тоолуу райондордо түнкүсүн -26…-31, күндүз -10…-15 градуска чейин суук болот. Мындай туруксуз аба ырайы автоунаа, энергетика жана коммуналдык кызматтардын ишин, жайыттарда мал кармоону кыйындатат.