Чүйдө 14 жаштагы кыз өгөй атасы тарабынан зордукталып жүргөнү белгилүү болду

6-майда Сокулук РИИБге 1971-жылы туулган жаран кайрылып, жээнинин күйөөсүнө чара көрүүнү суранган. Анын айтымында, анын күйөөсү 2008-жылы туулган өгөй кызын зордуктап жүргөнүн билдирген.

Аталган факты каттоого алынып, Жазык кодексинин 154-беренеси (зордуктоо) менен кылмыш иши козголгон. Тергөө иштеринин жүрүшүндө, арыздануучу көрсөтмө берген. Ал 1986-жылы туулган жээни 3-майда кызын эс алууга таштап кеткенин айткан. Экөө сүйлөшүп отуруп, кыздын бир нече жылдан бери зордукталып келгенин билген.

Кылмышка шектүү катары 1987-жылы туулган жаран кармалып, сурак учурунда жыныстык катнаш кыздын макулдугу менен болгонун айткан. Ал камакка алынган. Тергөө уланууда.