Этият болуңуз! Жаз келиши кене көбөйө баштады

Кене энцефалити борбордук нерв системасын, мээ жана жүлүндү жабырката турган вирустук оору. Аны өз учурунда дарылабаса майыптыкка же өлүмгө кептеши мүмкүн.  

Адистер жаратылышка чыкканда кымтыланып кийинип, баш кийимди унутпоону сунуштайт.  

Денеге жабышып алган кенени алгандан кийин аны аймактык Ооруларды алдын алуу жана санитардык-эпидемиологиялык көзөмөлдөө борборуна тапшыруу керек. Ал жактагы адистер кененин түрүн аныктап, ошого жараша чара көрүшөт.