ТИМ Курск, Брянск жана Белгород облустарына барбай турууга чакырат

ТИМ Орусиянын Белгород, Брянск жана Курск облустарында өзгөчө кырдаал режими киргизилгенине байланыштуу Кыргызстандын жарандарын бул аймактарга убактылуу барбай турууга чакырат.

Зарылдык жаралса элчиликтин +7 (925) 2855047, +7 (925) 1155047 телефондоруна чалып консультация алса болот.

Белгород облусунун губернаторунун айтымында, аймактагы кырдаал курч бойдон калууда. Украина Куралдуу күчтөрү тарабынан күн сайын аткылоо болуп жатат. Үйлөр талкаланып, карапайым элдин арасында жарадарлар жана каза болгондор бар.