УКМК: ИИМдин Кылмыш иликтөө башкы башкармалыгынын кызматкери пара талап кылып жаткан жеринен кармалды — ФОТО
Бул тууралуу УКМКнын Басма сөз кызматынан билдирди.
Маалыматта айтылгандай, 2024-жылдын 29-февралында Кыргыз Республикасынын Улуттук коопсуздук мамлекеттик комитети Кыргыз Республикасынын Аскердик прокуратурасы менен бирдикте аталган факты боюнча кылмыш ишинин алкагында КР Кылмыш-жаза кодексинин 343-беренеси (опузалап пара талап кылуу) 20 миң АКШ доллары өлчөмүндө каражат талап кылып, аталган сумманын бир бөлүгүн 4 миң АКШ долларын алып жаткан жеринен КР ИИМдин кылмыш иликтөө бөлүмүнүн 4-Башкы башкармалыктын кызматкерлери милициянын подполковниги К.М.К, ошондой эле жарандар С .У.Ж. жана Т.А.С. кармалды.
Бул адамдар алдамчылык фактысы боюнча кылмыш ишин козгоп, унааны кайтарып берүү үчүн акча талап кылгандыгы аныкталган.
Кармалгандардын бардыгы КР УКМКнын убактылуу кармоочу жайына киргизилди.
