Ак-Ордодо жаңы мектептин аймагы жарыктандырылууда

Бишкектин Ак-Ордо конушунда жайгашкан жаңы мектептин аймагында тышкы жарыктандыруу тармактарын реконструкциялоо иштери башталды.

Муниципалитеттен билдиришкендей, мектептин аймагына 96 светодиоддук чырактарды жана ошончо эле сандагы бетон негиздерин орнотуу пландаштырылууда.

Ошондой эле жер астына 1800 метрге жакын өзүн-өзү көтөрүүчү изоляцияланган зым (СИП) төшөлдү.

Белгилей кетсек, бетон негиздери, темир таянычтары “Бишкекжарык” муниципалдык ишканасынын өздүк цехинде чыгарылат.