Кыргызстанга жеңил унаалардын кузовун киргизүүгө тыюу салууну узартты

Бул иш-чара жасалма документтер менен унааларды легалдаштырууга жол бербөөгө багытталган.

Министрлер кабинети Кыргызстанга жеңил унаалардын кузовун киргизүүгө тыюу салууну узартты.

Эскерте кетсек, жеңил унаалардын кузовун алып кирүүгө убактылуу тыюу салуу 2025-жылдын март айында алты айга киргизилген.

Министрлер кабинети бул чара жол кыймылынын коопсуздугун жогорулатуу жана көмүскө экономикага каршы күрөшүү, тактап айтканда, бажы төлөмдөрүн төлөбөстөн унааларды мыйзамсыз ташып келүүгө жана жасалма документтери бар унааларды легалдаштырууга бөгөт коюуга багытталганын билдирди.

Кыргыз Республикасындагы автотранспорт каражаттарын өндүрүү жана жыйноо менен алектенген ишканалар тарабынан ташылып келинген кузовдор үчүн, ошондой эле бул ишканалар үчүн арналган кузовдор үчүн өзгөчөлүк киргизилген.