Жогорку Кеңеш салыктан карызы бар кыргызстандыктардын чет өлкөгө чыгышына бөгөт коюу боюнча мыйзам долбоорун четке какты

Мындай чара 100 миң сомдон көп суммада төлөбөгөн жарандарга колдонулмак. Бирок депутаттар ага макул болгон жок.  

Экономика министринин орун басары мындай механизм учурда дагы иштеп турганын, азыр мыйзамдык жагы жөнгө салынып жатканын айтты. Анткени буга чейин Конституциялык сот “тышка чыгууну чектөө процедурасы күмөн жаратат” деген чечим чыгарган.  

Натыйжада эл өкүлдөрүнүн 44ү “макул”, 9у “каршы” добуш берди. Долбоорду кеминде 46 депутат колдосо өтмөк.