Чыныбай Турсунбековдун аялы мени 5 млн доллар менен карматканга аракет кылган –Ташиев

Ташиев билдиргендей, маркум экс-спикердин аялы шылуундар менен байланышып, ага (УКМК төрагасына) 5 млн доллар даядашкан. 

«Ал акчаны Ташиевге беребиз деп даярдашкан. Бул ишке чет элдик дагы башка кызматтар да катышкан. Бирок биздин балдардын кыраакылыгы менен шылуундар кармалып, 5 млн долларын да алып мамлекетке өткөрүп койдук. Мен 1 сом да пара албастыгым аларга сабак болду. Ошентип Турсунбековдун үй-бүлөсү ээлеп алган Capital Bank жана «Бишкек ликер» арак заводу мамлекетке өттү. Эсиңерде болсо, Capital Bank Максим Бакиевге таандык болчу. Бакиевдин бийлиги кулагандан кийин бул банк мамлекетке өтүш керек эле, бирок өтпөй Турсунбековдор ээлеп алган«, — деген Ташиев.