Кыргызавтожол: Өлкө боюнча унаа жолдордо жана ашууларда каттам ачык

Бүгүн, 25-декабрда өлкө боюнча бардык унаа жолдордо жана ашууларда каттам ачык. Чектөөлөр жок. Бул тууралуу “Кыргызавтожол” мамлекеттик ишканасы билдирет.

Маалыматка ылайык, ишкана тарабынан жолдорду кардан тазалоо, кум-туз аралашмасын себүү иштери аткарылып жатат.

Алыскы жолго чыккан айдоочуларга жайкы дөңгөлөктөрдү кышкы дөңгөлөккө алмаштыруу, дөңгөлөктөрдүн чынжырчаларын жана күрөктөрүн алып жүрүү сунушталат.