Ысык-Көлдө милиция кызматкерлери чөгүп бара жаткан 18 жаштагы жигитти куткарып калышты

Ысык-Көлдө милиция кызматкерлери чөгүп бара жаткан 18 жаштагы жигитти куткарып калышты. Бул тууралуу ИИМдин Атайын багыттагы полкунун басма сөз кызматы билдирет.

Маалыматка ылайык, ИИМдин Атайын багыттагы полкунун кызматкерлери Ысык-Көл облусундагы коомдук коопсуздук камсыздоо кызматы учурунда полктун Ош шаарында жайгашкан 3-батальонунун бөлүмчө командири милициянын прапорщиги Акылтай уулу Адилет жана 2-батальондун кызматкери милициянын старшинасы Дуулат Азатов «Алтын-Кум» эс алуу жайында 20-июлда саат 18:45 чамасында сууга чогуп бара жаткан 18 жаштагы Бишкек шаарынын тургунун куткарып калышкан.

Ага биринчи медициналык жардам көрсөтүшүп, Тез жардам кызматына өткөрүп беришкен.