Өмүрбек Бакиров Жогорку Кеңештеги депутаттык мандатынан ажырады

Соңку чечимди Жогорку сот кабыл алды.

Бакиров шайланып келген № 4 Көк-Жар бир мандаттуу округундагы шайлоонун жыйынтыгын жокко чыгарган чечимди Жогорку сот да күчүндө калтырды. 

Эске сласак, Былтыр ноябрда Өмүрбек Бакиров парламентте УКМК төрагасы Камчыбек Ташиев менен кайым айтышкан болчу. Эртеси ЖКнын чарбалык иштерин караган президенттин иш башкармалыгы аны кабинетинен чыгарып салган.

Ал эми декабрда шайлоо учурундагы атаандашы Равшан Рыспаев «добуш сатып алган» деп мурда жабылган ишти кайрадан кароо үчүн Бишкек шаардык административдик сотуна арыз жазган. Ошонун негизинде иш кайра жандандырылган.