Ысык-Көлдөгү жол кырсыгы. Дагы эки өспүрүм ооруканада каза болду

Ысык-Көл районунун Өрнөк айылында жол кырсыгынан каза болгондордун саны 5 адамга жетти. Бул тууралуу Саламаттык сактоо министрлигинен билдиришти.

Буга чейин Кыргызстандын БУУдагы туруктуу өкүлү Аида Касымаливанын ата-энеси жана жакын тууганы жол кырсыгынан каза болгону маалым болгон.

Унаада 5 адам болгон: Аида Касымалиеванын ата-энеси жана алардын үч небереси.

Окуя болгон жерде апасы Бактыгүл Мырзаева, анын жолдошу жана неберелеринин бири каза болгон. Бүгүн жандандыруу бөлүмүндө анын 11 (эркек) жана 9 (кыз) жаштагы неберелери каза болду.

«Кабар» КУМАнын жамааты үй-бүлөсүнө жана жакындарына көңүл айтат.