Жапаров: Россия менен Кыргызстандын ортосунда ишеним бар

Кыргызстан менен Россиянын ортосунда саясий келишпестик жана карама-каршылык жок.

Эки өлкө бири-бирин толук түшүнөт. Бул тууралуу Садыр Жапаров Москвада Владимир Путин менен жолугушуусунда айтты.

«Биздин өлкөлөр бири-бирин жакшы түшүнөт, ортодо ишеним бар. Саясий келишпестиктер же карама-каршылыктар жок», — деди Жапаров.

Ал 2025-жылдын ноябрь айында Кыргызстанда өтө турган ЖККУнун Жамааттык коопсуздук кеңешинин сессиясына Путиндин келишин чыдамсыздык менен күтөрүн кошумчалады.