Үй-бүлөлүк зомбулук боюнча жаңы мыйзам кабыл алынды. Ал кандай иштейт?
Президент Садыр Жапаров «Кыргыз Республикасынын үй-бүлөлүк, сексуалдык жана гендердик зомбулуктан коргоо тармагындагы айрым мыйзам актыларына өзгөртүү киргизүү боюнча» Мыйзамына кол койду.
Мыйзамда төмөнкүлөр каралган:
-сексуалдык, гендердик жана үй-бүлөлүк зомбулукка кабылган адамдарга ар тараптуу жардам көрсөтүү;
-зомбулук жасагандардын жазасыз калуусун жоюу;
-кылмыштын жабырлануучулары үчүн сот адилеттигине жетүүнү камсыз кылуу;
-жабырлануучулардын укуктарын жана мыйзамдуу таламдарын камсыз кылуу;
-сексуалдык, гендердик жана үй-бүлөлүк зомбулук боюнча кылмыш иштерин жана кылмыш иштерин жүргүзгөн кызмат адамдарынын ишинин натыйжалуулугун жогорулатуу.
Эске салсак, статистикалык маалыматтарга караганда, 2019-жылдан 2023-жылга чейинки аралыкта Кыргызстанда 2566 зордуктоо фактысы катталган. Үй-бүлөдөгү кылмыштар түзүмүндө зордуктоо 2023-жылы 16 пайызды түзгөн.
(Фото: «Ачык линия» фондунун социалдык жарнамасы)
