Алкоголизм менен күрөшүү боюнча 7 кеңеш
Бразилиядагы Анонимдүү алкоголиктердин Башкы кеңешинин президенти Джамиль Рибейро Лейтао алкоголизм менен күрөшүү боюнча жети пункттан турган так план түздү. Бул тууралуу Metropoles басылмасы жазды.
Лейтаонун айтымында, биринчи кезекте адам өзү үчүн алкогол чындап эле олуттуу көйгөйгө айланганын моюнга алышы керек. Экинчиден, спирт ичимдиктерин ичүүгө түрткү берген жайлардан жана кырдаалдардан алыс болуу зарыл. Үчүнчүдөн, адис ар дайым үй-бүлө же каалаган учурда жардам берүүгө даяр болгон адамдар менен тыгыз байланышта болуунун маанилүүлүгүн белгиледи.
Кийинки пункт катары ал ар кандай иш-чараларды камтыган так күн тартибин түзүүнү атады. Мындан тышкары, эксперт кайталанган учурлар үчүн (рецидивдер) өзүңдү күнөөлөбөөгө чакырды. Акыркы эки пункт катары ал атайын колдоо топторуна катышууну, ошондой эле зарыл болгон учурда медициналык жана психологиялык жардамга кайрылууну белгиледи.
