Бишкекте 1955-жылы тартылган «Салтанат» тасмасы көрсөтүлөт
Бишкекте 12-май күнү режиссер Василий Пронин 1955-жылкы тарткан «Салтанат» тасмасынын атайын көрсөтүүсү өтөт. Бул тууралуу уюштуруучулар билдиришти.
Көрсөтүүдөн кийин чакырылган коноктор — режиссер Тыныстан Темиржан жана киносынчы Гульбара Толомушова менен талкуу уюштурулат.
«Салтанат» — кыргыз кинематографиясындагы алгачкы көркөм фильм болуп саналат. Ал Фрунзе киностудиясында «Мосфильм» менен биргеликте тартылган.
Тасмада Кыргызстандын бийик тоолуу аймагындагы окуялар баяндалат. Күч алган бороон жаш зоотехник Салтанаттын өмүрүн дээрлик алып кете жаздайт. Аны кардан илимий кызматкер Жоомарт таап, сактап калат. Андан Салтанат түшүмсүз платолорду берекелүү жайытка айландыруу пландары тууралуу угат.
Бул кайраттуу идея Салтанатты шыктандырып, ал Жоомарттын табиятты өздөштүрүү жолундагы жакын досу жана ишенимдүү өнөктөшүнө айланат.
