Диетолог кечки тамактан кийинки эң кооптуу нерсени атады

Диетолог Ana Luson кечки тамактан кийин көп адамдар ден соолукка зыян болгон кеңири тараган ката кетирерин айтты.

Анын айтымында, кечки акыркы тамактан кийин эң кооптуу нерсе — таптакыр кыймылдабай калуу. Мисалы, диванда жатып телевизор көрүү же дароо төшөккө жатып алуу.

Диетологдун түшүндүрүүсүндө, мындай учурда ашказан-ичеги системасынын иши жайлап калат.

«Организм кыймылсыз болгондо, тамак сиңирүү кескин жайлайт. Натыйжада тамак ашказанда ачытып, газ топтолуп, гастроэзофагеалдык рефлюкс жана курсактын катуу көөп кетиши пайда болушу мүмкүн», — деген ал.

Мунун ордуна адис кечки тамактан кийин 10–15 мүнөт жеңил сейилдөөнү сунуштады. Анын айтымында, мындай басуу ичегинин ишин активдештирип, тамактын жакшы сиңишине жардам берет.