Тергөө абагында жаткан Максат Кунакуновго уулу Амир менен коштошууга уруксат берилди

Бишкек ШИИББдин тергөөчүсү ЖКнын мурдагы депутаты Максат Кунакуновдун жактоочусунун өтүнүчүн канааттандырды, деп билдиришти 9-ноябрда «АКИpress» редакциясына борбор калаанын милициясынын басма сөз кызматынан.

Кунакунов Кылмыш-жаза кодексинин 209-беренеси (алдамчылык) боюнча шектелүүдө. Ал №21 абакта камакта жатат.

7-ноябрда анын уулу, 14 жаштагы Амир Кунакунов «Ала-Арча» улуттук паркында адашып кеткен. Белгилүү болгондой, бала «Электро» чокусунун аймагында тоңуп калган.

ШИИББден белгилешкендей, Тергөө кызматынын тергөөчүсү өтүнүчтү канааттандырды. Атасына уулу менен коштошууга уруксат берилди.