Жакынкы күндөрү күндүн суукташынан улам свет кайрадан маал-маалы менен өчүрүлүшү мүмкүн

“Кыргызстан улуттук электр тармактары” ишканасы абанын температурасы төмөндөгөндө электр тогун керектөө көбөйүп, жабдууларга ашыкча жүк алып келерин билдирди. Жарыкты жөнгө салуу чаралары авариялык кыдаалдарды болтурбоо үчүн, өзгөчө эртең менен кечинде жүргүзүлөт.  

Мекеме кыргызстандыктарды жарыкты үнөмдөөгө чакырды. 

Энергетиктер 13-15-мартта күнү-түнү нөөмөттө турат. Түз байланыш номерлери: 105, 1209, +996 772 001209, +996 702 001209, +996 556 001209 (WhatsApp).

Буга чейин Энергетика министрлиги 8-марттан тарта жөнгө салуучу чаралар токтотулганын кабарлаган эле.