Түркияда токой өрттөнүп, катуу шамалдан өрттү өчүрүү мүмкүн болбой жатканы айтылды

Түркия токой өртүнөн улам 200 миң кишини эвакуациялоого даярданууда. Бул тууралуу дүйнөлүк ЖМКлар жазды.

Түркиянын түндүк-батышында чоң табигый өрттү өчүрүү мүмкүн болбой жатат. Чанаккале провинциясы өрттөнүп жатат. Калың түтүндөн улам бийликтер Дарданелл кысыгы аркылуу кыймылды токтотууга да аргасыз болушту.

Айыл чарба министри Ибрагим Юмаклы өрттү азырынча көзөмөлгө алууга мүмкүн болбой жатканын, бийлик эң жаман нерсеге даярданып жатат деп билдирет TRT Haber телеканалы. Катуу шамалдан улам өрт Чанаккаленин борборуна жайылууда.