Өлкөдө облус жана райондордун ордуна 20 округ түзүү пландалууда

Кыргызстанда облус жана райондор жоюлуп, ордуна 20 чакты округ түзүлөт. Бул тууралуу президент Садыр Жапаров Ноокат районунун тургундары менен жолугушууда айтты.

Мамлекет башчысы бул өлкөдөгү административдик-аймактык реформанын экинчи этабы болорун, алгач сынамык негизде бир округ түзүлүп, андан соң анын жыйынтыгы талданарын белгиледи.

Жапаров реформанын биринчи баскычында айыл өкмөттөрдү бириктирүү ийгиликтүү болгонун кошумчалады.