Психиатр депрессиядан арылууда белгилерди атады

Психиатр Тамир Алдад депрессиянын жеңилдей баштаганын көрсөткөн бир нече белгилерди атады.

Анын айтымында, адамдын уйкусу калыбына келип, күнүмдүк иштерди аткарууга күчү көбөйөт. Ошондой эле табити жана көңүлдү топтоо жөндөмү кайтып, кыжырдануу азаят.

Адистин белгилешинче, адам өзүн дароо эле бактылуу сезбеши мүмкүн. Бирок оор күндөн кийин тезирээк калыбына келип, терс ойлордун айлампасынан чыга баштайт.

Жакындарынан же адистен жардам суроо, кайрадан зеригүү сезиминин пайда болушу жана көйгөйлөрүнө нааразы боло баштоо да жакшыруунун белгилери болушу мүмкүн. Психиатр муну адамдын жашоого кайрадан аралаша баштаганын көрсөткөн белгилер катары түшүндүрдү.