Россиянын дагы эки шаарынан Ысык-Көлгө каттам ачылат. График

Ысык-Көлгө Россиянын эки шаарынан аба каттамдары ачылат. Бул тууралуу «Манас» аэропортунун маалымат кызматы кабарлады.

Билдирмеге караганда, Москва жана Новосибирск шаарларынан самолет учмакчы.

16-июндан тартып «Аэрофлот» авиакомпаниясы Москва — Тамчы — Москва багыты боюнча жумасына эки жолу, бейшемби, ишемби күндөрү каттамдарды аткарышы күтүлүүдө;

19-июндан тарта S7 Airlines авиакомпаниясы Новосибирск — Тамчы — Новосибирск багыты боюнча жумасына бир жолу, жекшемби күнү каттамдарды аткарууну пландаштырууда.