Кока-Кола россиялык базарынан кеткен чыгымды 195 миллион долларга баалаган
Coca-Cola HBC AG (CCHBC) 2022-жылдын биринчи жарымында орус базарынан кеткенден кийин 190 миллион евро (195,4 миллион доллар) жоготкондугун билдирди. Бул тууралуу Reuters агенттиги билдирди.
Белгиленгендей, компания Орусиядагы запастарын толугу менен түгөтүп, Coca-Cola продукциясын чыгарууну жана сатууну токтоткон.
Ошол эле учурда компаниянын ата мекендик бренддери, мисалы, Rich, Dobriy жана Moya Semya ширелери киреше алууну улантууда, — деди CCHBC башкы директору Зоран Богданович.
Ал белгилегендей, орусиялык бренддердин америкалык The Coca-Cola Company компаниясы менен эч кандай кызматташтыгы жок.
Богданович Орусиядагы бизнесин кыскартуунун алкагында бул өлкөдөгү кызматкерлерин кыскартууга аргасыз болгонун кошумчалады.
Кока-Кола Орусиядагы ишин токтоторун июнь айында жарыялаган.
