Министрлик: Аз камсыз үй-бүлөлөргө берилчү социалдык контракттын көлөмү өзгөрбөйт
2022-жылы республика боюнча 2800 жакыр жана аз камыз үй-бүлөлөргө мамлекет тарабынан өз ишкерлигин жүргүзүү үчүн 100 миң сом өлчөмүндө акча каражаты берилген, алардын 99,6% ийгиликтүү ишин жүргүзгөндүктөн, 2023-жылы 10 000 жакыр жана аз камсыз үй-бүлөгө социалдык контракт каралып, долбоордун ийгиликтүүлүгү байкалууда.
Кыргыз Республикасынын Министрлер Кабинетинин чечими менен 2024-жылга Социалдык контракттын негизинде социалдык жардам көрсөтүүнү 20 000 үй-бүлөгө Жобонун негизинде 100 миң сом өлчөмүндө каржылоо пландаштырылууда. Тактоо иретинде, Социалдык контракттын өлчөмү өзгөрүлбөйт, башкача айтканда 100 миң сомду гана түзөт.
Социалдык контракттын негизинде өз ишкерлигин ийгиликтүү жүргүзгөн үй-бүлөлөргө кошумча стимулдаштыруу жана жеке ишмердүүлүгүн өнүктүрүүгө түрткү берүү максатында, Социалдык контракттын катышуучуларынын ичинен ишкерлигин далилдеп, салык төлөмдөрүн жүргүзгөн катышуучуларга мамлекеттик банктар тарабынан 200 миң сом өлчөмүнө чейин пайызсыз, кайтарымдуу насыя берүүнүн долбоору каралууда, — деп билдирди КР Финансы министрлигинин Басма сөз кызматынан.
