Бишкекте спринтер менен “Лексус” унааларынын катышуусунда жол кырсыгы болду

Бишкектин Масалиев жана Тыналиев көчөлөрүнүн кесилишинде “Мерседес Спринтер” менен “Лексус ЛХ 470” унаалары кагышты.

Милициянын кайгуул кызматынын маалыматы боюнча, жол кырсыгынан спринтердин айдоочусу жабыркап, аны тез жардам унаасы алып кетти.

“Күбөлөрдүн айтымында, спринтердин айдоочусу жол чырактын кызыл белгисинде айдап бара жатып, кырсыктаган”, — деп билдирди милиция кызматкери.

Учурда жол кырсыгынын себептери такталууда.