Александр Лукашенко КМШ өлкөлөрүнүн ички иштер министрлерин кабыл алды
2024-жылдын 8-августунда Беларусиянын Президенти Александр Лукашенко Минск шаарына КМШга катышкан мамлекеттердин ички иштер министрлеринин кеңешинин жыйынына катышуу үчүн келген КМШга мүчө мамлекеттердин ички иштер министрлерин кабыл алды.
Александр Лукашенко конокторду тосуп, КМШ өлкөлөрүнүн укук коргоо органдарынын мындан аркы интеграциясын колдоорун билдирди.
“Биздин тең укуктуу өнөктөштүк, жакшы келишимдик база менен бекемделген, убакыттын сыноосунан өткөн, ачыктык, ишеним жана өз ара жардамдашуу принциптеринде түзүлгөн. Биргелешип иштеген жылдары биз бир нече жолу ынандык, глобалдуу, чек ара аралык, ошондой эле ички коркунучтарга бирге гана мүмкүн болушунча натыйжалуу каршы турууга болот. Анткени жанында дайыма далысын кое турган достор, жолдоштор бар болушу зарыл.”, — деп ишендирди Александр Лукашенко.
“КМШ өлкөлөрүнүн Ички иштер министрликтери негизинен жарандар үчүн калкан жана кылмыш дүйнөсү үчүн кылыч болуп саналат. Бирок биз чогуу болсок гана. Ушундан улам, Беларусь ар дайым көз карандысыз Мамлекеттер Шериктештигинин алкагында интеграциянын, бул учурда — укук коргоо органдарынын андан аркы интеграциясынын ырааттуу жактоочусу болуп келген жана чыгып келет» – деди Беларус башчысы.
Жолугушуунун катышуучулары КМШга катышкан мамлекеттердин ички иштер министрлер кеңешинин жыйыны Шериктештик өлкөлөрүнүн ички иштер органдарынын ортосундагы, анын ичинде экстремизм, баңгизаттарды мыйзамсыз жүгүртүү, киберкылмыштуулук ж.б. менен күрөшүү багыттары боюнча өз ара аракеттешүүнү бекемдөө боюнча таасирдүү чара болорун белгилешти.
Жолугушуунун катышуучулары кылмыштуулукка каршы күрөшүүнүн ар кандай багыттары боюнча макулдашылган комплекстүү иш-чараларды мындан ары өткөрүү чаралары боюнча пикир алмашышты.
Мамлекет башчысы менен жолугушууга Кыргызстандын ички иштер министри Улан Ниязбеков, Азербайжандын ички иштер министри Вилаят Эйвазов, Беларустун ички иштер министри Иван Кубраков, Казакстандын ички иштер министри Ержан Саденов, Россиянын ички иштер министри Владимир Колокольцев, Өзбекстандын ички иштер министри Пулат Бобожонов, Тажикстандын ички иштер министри Рамазон Рахимзода, КМШга мүчө мамлекеттердин аймагындагы уюшкан кылмыштуулукка жана кылмыштын башка коркунучтуу түрлөрүнө каршы күрөштү координациялоо боюнча Бюронун директору Олег Коновалов катышты.
