НАСА Айга акыркы жарым кылымдан бери биринчи жолу астронавттарды жөнөттү
«Орион» космостук кемеси Канаверал тумшугундагы космодром (Флорида) аймагынан учурулуп, Айды көздөй сапар алды. Анын ичинде төрт астронавт бар. Учуруу азыркы колдонулуп жаткан ракеталардын ичинен эң күчтүү жана эң кымбат болуп эсептелген Space Launch System аркылуу ишке ашырылды.
Экипаждын курамына америкалыктар Грегори Уайсмен (командир), Виктор Гловер жана Кристина Кук, ошондой эле канадалык Джереми Хансен кирет.
Кристина Кук тарыхта Жер орбитасынан чыгып кеткен алгачкы аял болот, ал эми Виктор Гловер Айга учкан алгачкы афроамерикалык астронавт болуп калат.
Бирок азырынча Айдын бетине конуу болбойт: «Артемида-2» экспедициясынын программасына ылайык, төрт астронавт Айды айланып учуп, он күндөн кийин Жерге кайтып келишет.
Айга конуу 2028-жылга пландалууда. Андан кийин NASA Айга экспедицияларды туруктуу жөнөтүп, ал жерде туруктуу база курууну көздөп жатат.
Шейшемби күнү, учууга даярдык боюнча акыркы брифингде NASA өкүлдөрү бардык нерсе даяр экенин билдиришкен.
Эгер аба ырайы тоскоол болбосо — мисалы, булуттар же катуу шамал (же техникалык мүчүлүштүктөр) — Space Launch System ракетасы «Орион» кемеси менен 1-апрелде жергиликтүү убакыт боюнча саат 18:24тө (Москва убактысы боюнча бейшемби күнү 01:24) учурулары айтылган.
