Дарыгер грильде бышырылган балыкты жактыргандарга эскертүү берди

Гастроэнтеролог дарыгер Гулия Максютова мангалга балыкты туура тандоо тууралуу айтып, мындай тамактарды жакшы көргөндөргө эскертүү да жасаган.

Максютованын айтымында, эң негизгиси — балыктын жаңы экенине көңүл буруу. Ал жыттанып кеткен, түсү сары же боз болуп калган, ошондой эле жумшак, жабышкак же кургак консистенциядагы балыктарды сатып албоого чакырды. Мындан тышкары, калың муз катмары бар балыктан да алыс болууну сунуштады.

Дарыгер мангалга эң ылайыктуу балыктар катары семга, лосось, форель, горбуша, скумбрия жана тыгыз ак эттүү балыктарды — мисалы, дорада же сибасты атады.

Анын айтымында, балыкты 60 мүнөттөн ашык маринад кылбоо керек.