Абдрахматов Илимдер академиясынын башчылыгынан кетип, ордуна Жээнбаев дайындалды

Канатбек Абдрахматов Улуттук илимдер академиясынын президенттигинен бошотулганын президенттин маалымат кызматынан кабарлашты.

Анткен менен Сейсмология институтунун директорлук кызматында калган-калбаганы так айтылган эмес.

Сейсмолог Илимдер академиясынын президенттигине мындан төрт жыл мурда, тагыраагы, 2022-жылдын ноябрында, дайындалган.

Анын ордуна биология илимдеринин доктору, Биология жана кыртыш институтун жетектеп келген 65 жаштагы Бекмамат Жээнбаев дайындалды.