Коронавирустан көз жумган адам чет жактан келген аялынан жуктурган. Аялы жеңил формада ооруган

“Карантиндик аймакта турган жарандардын аларды кармоону негизсиз деп эсептеп, жасаган видео кайрылууларын эске алып, алар өзүнүн айлана-чөйрөсүнө кандай коркунуч алып келерин далилдеген мисал келтирсек. Коронавирустан каза тапкандардын бири – Ош шаарынын тургуну оорулуу менен байланышта болгон, анын жубайы чет өлкөдөн кайтып келген да, анда COVID-19 бар экени аныкталган. Бирок жубайы өзүн жакшы сезип, анда оорунун белгилери да болгон эмес, ал эми жолдошу байланыштан кийин илдетке чалдыгып, көз жумган”,-деп билдирди коронавирус менен күрөшүү боюнча республикалык штаб.

Эскерте кетсек, чет жактан келип, карантинге шектелип, дарыланып чыккан аял “мен ооруган эмесмин” деген билдирүүсү менен видео кайрылуу жасаган эле.

Abal.kg