Баткен облусунун аймагында жол кыймылынын коопсуздугун камсыздоо кызматкерлери майрам күндөрү жогорулатылган тартипте кызмат өтөп, жол кырсыктарын алдын алды. Элдер көп топтолуп эс алган жайларда жол тыгындарын жоюу багытында, ошондой эле жол коопсуздугун камсыздоо максатында жер-жерлерде иш алып барып, облус аймагында жол транспорт кырсыгы катталган жок. Мындан сырткары майрам күнү жалпы облус аймагында жол эрежелерин бузган 127 факты аныкталды.
Анын ичинен, мас абалында унаа каражаттарын башкаруу-11, тийиштүү документтери жок унаа башкаруу-3, белгиленген ылдамдыктан ашуу-11,
башка жол эрежелерин бузуу фактылары-102, ар кандай жол эрежелерин бузгандыгы үчүн 14 унаа убактылуу айып короо жайына токтотулду.
