Шашылыш билдирүү! Тоолуу аймактарда сел жүрүшү ыктымал

Нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүп, дарыяларда суунун деңгээли көтөрүлүшү мүмкүн. Бул тууралуу ӨКМ билдирди.

Маалыматка караганда, мындай аба ырайы 8-11-июлда болот.

ӨКМ бул күндөрү тоолуу аймактарда, жаратылышта эс алуудан баш тартып, дарыя жээктеринен алыс болууга чакырды.