Адис дарбызды жегенде этият болууга чакырды
Дарбызды ашыкча жеш бөйрөк оорулары жана кант диабети бар адамдар үчүн кооптуу болушу мүмкүн. Бул тууралуу Ольга Ямилова билдирди.
Адистин айтымында, бөйрөк оорусу бар жана денеси шишикке жакын адамдар үчүн дарбыз бөлүп чыгаруу системасына олуттуу күч келтирет. Себеби ал күчтүү заара айдатуучу касиетке ээ. Ошондой эле бөйрөгүндө же заара жолдорунда ташы бар адамдарда дарбыз таштардын жылышына себеп болушу мүмкүн.
Мындан тышкары, дарбыз жеңил сиңүүчү табигый канттарга бай. Анын гликемиялык көрсөткүчү жогору болгондуктан, кандагы канттын деңгээлинин тез көтөрүлүшүнө алып келиши мүмкүн.
Ушул себептен улам кант диабети менен ооругандар дарбызды этияттык менен колдонушу керек. Адистин айтымында, мындай адамдар үчүн бир жолку коопсуз өлчөм 150–200 грамм деп эсептелет. Дарбызды рационго кошуудан мурда дарыгер менен кеңешип, кандагы глюкозанын деңгээлин көзөмөлдөп туруу сунушталат.
