Кыргызстандык балбан Азат Салидинов Азия чемпионатында күмүш медаль утту

Индиянын Нью-Дели шаарында өтүп жаткан Азия чемпионатында грек-рим күрөшү боюнча балбан Азат Салидинов күмүш байгеге татыды. Бул тууралуу мелдештин расмий сайтында маалымдалат.

Ал 87 килограмм салмакка чейинки категорияда күч сынашкан. Салидинов биринчи тажикстандык балбан менен кез келип, 4:2 эсеби менен жеңишке жеткен. Андан кийин ирактык балбанды 9:0 эсебинде уткан. Жарым финалда Ирандан келген балбанды жеңип, финалга чыккан. Бирок алтын үчүн болгон беттеште индиялык Кумар Сунилиге 0:5 эсебинде утулуп калган.

Мелдештин биринчи күнү грек-рим күрөшү боюнча балбандар Ренат Илияс уулу (77 кг.) менен Роман Ким (130 кг.) коло байгеге ээ болушкан.

Abal.kg